ویب ڈیسک(اسلام آباد) فلسطین کےسفیر نےوزارت خارجہ میں شاہ محمود قریشی سےملاقات کی ،ملاقات میں اسرائیلی جارحیت سےامن وامان کی بگڑتی صورتحال پرتبادلہ خیال کیاگیا۔
فلسطینی سفیرسےکہاکہ نہتے فلسطینیوں پراسرائیلی جارحیت کی مذمت کرتے ہیں ، اہم مسلم ممالک عالمی برادری سے روابط جاری رکھےہوئے ہیں ،وزیراعظم نےفلسطینی صدر سے رابطہ کر کے حمایت کایقین دلایا ہے ۔
وزیر خارجہ شاہ محمود قریشی نے معصوم فلسطینیوں کی شہادتوں پر فلسطینی سفیر سے تعزیت کا اظہار بھی کیا۔
مخدوم شاہ محمود قریشی نے کہا کہ فلسطین پر اسرائیلی بربریت کو رکوانے کیلئے اہم مسلم ممالک اور عالمی برادری کے ساتھ روابط جاری رکھے ہوئے ہیں ،وزیر اعظم عمران خان نے فلسطینی صدر محمود عباس اور میں نے فلسطینی وزیر خارجہ خارجہ سے رابطہ کر کے انہیں، حق خود ارادیت کی جدوجہد میں پاکستان کی مکمل حمایت کا یقین دلایا۔
وزیر خارجہ نے فلسطینی سفیر کو فلسطین میں اسرائیلی حملے رکوانے اور اقوام متحدہ کی قراردادوں کی روشنی میں مسئلہ فلسطین کے پر امن حل کیلئے مختلف ممالک کے وزرائے خارجہ کے ساتھ ہونیوالے روابط سے آگاہ کیا ۔
فلسطینی سفیر نے اس مشکل گھڑی میں پاکستان کی جانب سے بھرپور حمایت اور اظہار یکجہتی پر وزیر خارجہ کا شکریہ ادا کیا اور فلسطین میں جاری جارحیت کے خاتمے اور کشیدگی میں کمی کیلئے وزیر اعظم عمران خان اور وزیر خارجہ کی سفارتی کاوشوں کو سراہا۔
