ویب ڈیسک:امریکی ریاست ”میئن”میں فائرنگ کے متعدد واقعات میں 22 افراد ہلاک اور 60 زخمی ہوگئے۔ امریکی میڈیا کے مطابق لیوسٹن شہر میں ملزم نے پہلے باؤلنگ کلب میں فائرنگ کی جس سے 10 افراد موقع پر ہی ہلاک ہوئے۔ بعد میں لوکل بار اور والمارٹ ڈسٹری بیوشن سینٹر پر بھی فائرنگ کی۔ امریکی میڈیا کے مطابق فائرنگ کے بعد ملزم فرار ہوگیا ہے
حکام نے علاقے میں تمام بزنسز بند کرنے کی ہدایت کردی ہے۔ امریکی پولیس نے ملزم کی تصویر بھی جاری کردی ہے جو کہ خودکار رائفل تھامے ہوئے ہے، ملزم کی شناخت رابرٹ کارڈ کے نام سے کی گئی تاہم حملے کی وجہ سامنے نہیں آسکی۔ امریکی پولیس نے ہدایت کی ہے کہ ملزم کی گرفتاری تک شہری اپنے گھروں سے باہر نہ نکلیں جبکہ ریاست کی ہسپتالوں میں ایمرجنسی نافذ کردی گئی ہے۔ ریاست میئن کے گورنر کا کہنا ہے کہ شہری بلاجواز باہر نہ نکلیں، سیکیورٹی اہلکار حالات کا جائزہ لے رہے ہیں۔ امریکی میڈیا کے مطابق لیوسٹن 37 ہزار آبادی پر مشتمل شہر ہے اور پورٹ لینڈ کے شمال میں واقع ہے۔
