ویب ڈیسک: وفاقی دارالحکومت کے سب سے بڑے طبی مرکز پمز ہسپتال سے فیڈرل میڈیکل ٹیچنگ انسٹیٹیوٹز ایکٹ کے تحت بھرتی کیے گئے 100 سے زائد نرسنگ سٹاف کو زبانی حکم پر نوکری سے فارغ کرکے ہاسٹل چھوڑنے کا حکم بھی دے دیا گیا۔
نوکریوں سے برطرف کیے جانے پر احتجاج کرتے ہوئے نرسنگ سٹاف کا کہنا ہے کہ ہمیں بے سرو سامانی میں ایک دن کے نوٹس پر نکالا جا رہا ہے جبکہ کنٹریکٹ میں توسیع کیلئے ہسپتال انتظامیہ کے زبانی وعدوں پر چار ماہ سے بغیر تنخواہ کے کام کر رہے ہیں، اب ان کی جگہ غیر تربیت یافتہ افراد بھرتی کرنے کی تیاری کی جا رہی ہے۔
پمز کے ایگزیکٹو ڈائریکٹر رانا عمران سکندر کا کہنا ہے کانٹریکٹ ختم ہو چکا ہے اور اب یہ معاملہ اسٹیبلشمنٹ ڈویژن اور محکمہ صحت کے درمیان رکا ہوا ہے۔
واضح رہے کہ پی ٹی آئی دور حکومت میں اس نرسنگ اسٹاف کو دو سال کے کانٹریکٹ پر بھرتی کیا گیا تھا، پی ڈی ایم دور حکومت میں نرسنگ اسٹاف کی مدت ملازمت میں توسیع دی گئی ۔
