ویب ڈیسک: بھارتی انتخابات میں 58سیٹوں پر چھٹے مرحلے کی ووٹنگ شروع ہو گئی ہے۔
بھارتی میڈیا رپورٹس کے مطابق قومی دارالحکومت دہلی کی تمام 7سیٹیں بھی شامل ہیں،ووٹنگ کے پہلے پانچ مراحل 19 اپریل، 26 اپریل، 7 مئی، 13 مئی اور 20 مئی کو مکمل ہوئے تھے، جن میں 429 نشستوں پر ووٹنگ ہو چکی ہے۔
انتخابات کا آخری دن یکم جون ہے اور ووٹوں کی گنتی 4 جون کو ہوگی۔
میڈیا رپورٹس کے مطابق ان انتخابات میں وزیر اعظم نریندر مودی کی زیر قیادت اتحاد نیشنل ڈیموکریٹک الائنس (این ڈی اے)کو واضح نقصان پہنچا ہے،
مرکزی اپوزیشن انڈین نیشنل کانگریس کے اتحاد (انڈیا)نے اچھی کارکردگی دکھائی ہے۔
ہریانہ، جھارکھنڈ، اڈیشہ، اتر پردیش، بہار، مغربی بنگال، دہلی، جموں و کشمیرمیں رجسٹرڈ ووٹر 58نشستوں کے لیے اپنا حق رائے دہی استعمال کریں گے۔
