ویب ڈیسک: موسم گرما میں دیسی مشروبات کا استعمال گرمی کو بھگانے کے لئے روایتی طریقہ مانا جاتا ہے۔
آئیے جانتے ہیں کہ گرمی کے موسم میں ایسی کون سے دیسی مشروبات ہیں جن سے لطف و اندوز ہونے کے ساتھ ساتھ فائدہ اٹھایا جا سکتا ہے۔
آم کا جوس
کچے آموں سے بنا آم کا جوس وٹامن سی، وٹامن بی اور آئرن سے بھرپور ہوتا ہے، اس کے استعمال سے نہ صرف پانی کی کمی پوری ہوتی ہے بلکہ سن سٹروک سے حفاظت ملتی ہے اور ہاضمہ بھی بہتر ہوتا ہے۔
ناریل کا پانی
ناریل کا پانی قدرتی طور پر ایک آئسوٹونک مشروب ہے جس سے پانی اور الیکٹرولائٹس کی کمی بھی پوری ہوتی ہے۔
ناریل کا پانی یہ پوٹاشیئم سے بھرپور ہے جس کے استعمال سے جسم میں ٹھنڈک اور تازگی پیدا ہوتی ہے۔
ستو کا شربت
ستو کے شربت میں پروٹین اور فائبر بھرپور مقدار میں پائی جاتی ہے۔
ستو کا شربت پینے سے فوری طور پر توانائی بحال ہوتی ہے اور معدے کی گرمی ختم ہوتی ہے۔
شربت بنانے کے لئے ستو کے آٹے کو ٹھنڈے پانی میں ڈالیں، اس میں لیموں نچوڑیں اور ساتھ کالا نمک شامل کریں اور اچھی طرح مکس کرنے کے بعد ٹھنڈا شربت پی جائیں۔
گنے کا جوس
کاربوہائیڈریسٹس، پروٹین اور دیگر اہم ترین معدنیات سے بھرپور گنے کا جوس قدرتی طور پر گرمی دور کرنے اور توانائی بحال کرنے والا مشروب ہے۔
گنے سے تازہ رس نکالیں، اس میں لیموں ڈالیں اور ٹھنڈا کر کے پی جائیں۔
لسی کا استعمال
دہی سے بنائی جانے والی لسی پروبائیوٹکس سے بھرپور مشروب ہے جس کی مدد سے ہاضمے میں مدد ملتی ہے اور جسم ٹھنڈا رہتا ہے۔
لسی بنانے کے لئے دہی کو پانی میں ڈالیں اس میں چینی یا نمک ملا کر ٹھنڈی لسی سے لطف اندوز ہوں ۔
