ویب ڈیسک: ملک بھر میں کئی دنوں جاری انٹرنیٹ کی بندش کو لاہور ہائیکورٹ میں چیلنج کر دیا گیا۔
رجسٹرار آفس نے درخواست کو سماعت کے لئے مقرر کر دیا، جسٹس شکیل احمد جمعہ کو ندیم سرور کی درخواست پر سماعت کریں گے۔
لاہور ہائی کورٹ میں دائر درخواست میں وفاقی حکومت، پی ٹی اے سمیت دیگر کو فریق بنایا گیا۔
درخواست میں موقف اختیار کیا گیا کہ ملک میں بغیر کسی نوٹس اور وجہ بتائے انٹرنیٹ اور سوشل میڈیا ایپس بند کر دی گئی ہیں
جس سے کاروبار حتی کہ ہر شعبہ ہائے زندگی متاثر ہو رہی ہے، انٹرنیٹ بند کرنا بنیادی حقوق کی بھی خلاف ورزی ہے۔
درخواست میں استدعا کی گئی کہ وفاقی حکومت کا انٹرنیٹ بند کرنے کا فیصلہ کالعدم قرار دیا جائے، ملک میں انٹرنیٹ کو مکمل اور فوری بحال کرنے کے احکامات جاری کئے جائیں۔
