ویب ڈیسک (پشاور):دنیا کا سب سے طویل ہاتھ سے قرآن مجید تحریر کرنیوالے پیر امتیاز حیدر شاہ نورانی مجددی کی گورنر ہاؤس پشاور آمد، فیصل آباد سے تعلق رکھنے والے پیر امتیاز حیدر شاہ نورانی مجددی نے 3411 فٹ طویل قرآن مجید اپنے ہاتھ سے تحریر کیا.
گورنر شاہ فرمان نے پیر امتیاز شاہ نورانی مجددی کے کلام پاک قرآن مجید سے محبت و عقیدت کے اظہار کو سراہا، گورنر خیبر پختونخوا کا کہنا تھا کہ پاکستانی شہری نے اپنے ہاتھ سے دنیا کا طویل قرآن مجید تحریر کیا جو کہ قابل تحسین ہے۔
شاہ فرمان نے پیر امتیاز حیدر شاہ نورانی مجددی کی ایمان افروز کاوش کو لائق صد ستائش قرار دیتے ہوئے اسکی حوصلہ افزائی کی اور نقد انعام سے نوازا۔