ویب ڈیسک (کوہاٹ)کوہاٹ پشاور بائی پاس روڈ پر ٹریفک حادثہ پیش آیا ہے،تیز رفتار ٹرک کی ٹکر سے رکشہ سوار تین بہنیں جاں بحق ہوگئیں ہیں۔
پولیس ذرائع کے مطابق المناک حادثے میں خاتون دو بچیوں سمیت زخمی ہوئی ہے، تعلق نوے کلے سے ہے،حادثہ میں رکشہ ڈرائیور بھی شدید زخمی ہوا ہے۔
تفصیلات کے مطابق والدہ اپنی پانچ بیٹیوں کے ہمراہ رکشے میں گھر جارہی تھی کہ راستے میں حادثہ پیش آیا،جاں بحق اور زخمی افراد ڈی ایچ کیو ہسپتال منتقل کر کے مقدمہ تھانہ جنگل خیل درج کر لیا گیا ہے۔
پولیس کے مطابق ٹرک ڈرائیور فرار ہوگیا جس کی تلاش کیلئے چھاپے مارے جا رہے ہیں۔
