پیپلز پارٹی کے شریک چیئرمین آصف علی زرداری آج پاکستان ڈیمو کریٹک (پی ڈی ایم) کے سربراہ مولانا فضل الرحمان سے ملاقات کریں گے۔
ذرائع کے مطابق مولانا فضل الرحمان اور آصف علی زرداری کے درمیان رابطہ ہوا ہے جس کے بعد آج مولانا فضل الرحمان اور آصف زرداری کے درمیان ملاقات طے پا گئی ہے۔
پیپلز پارٹی کے شریک چیئرمین آصف علی زرداری آج شام 7 بجے مولانا فضل الرحمان سے ان کی رہائشگاہ پر اہم ملاقات کریں گے۔
یہ بھی پڑھیے:تحریک عدم اعتماد: حکومت اور مسلم لیگ ق میں مذاکرات ناکام
ذرائع کے مطابق ملاقات میں تحریک عدم اعتماد اور حزب اختلاف کے لانگ مارچ پر تبادلہ خیال کیا جائے گا جبکہ دونوں رہنما ایم کیو ایم کے ساتھ ہونے والی ملاقاتوں کے حوالے سے بریف کریں گے۔
