ویب ڈیسک: پاکستان تحریک انصاف کے لاہور جلسے کے لئے خیبر پختونخوا کے وزراء اور کارکنوں کی تیاریاں جاری ہیں ۔
وزیراعلیٰ ہاؤس میں منعقدہ اجلاس کے بعد صوبائی وزیر برائے اعلیٰ تعلیم مینا خان آفریدی نے کارکنوں کے ہمراہ پش اپس لگائے جس کی ویڈیو وائرل ہو گئی ہے ۔
اس موقع پر صوبائی وزیر برائے اعلیٰ تعلیم مینا خان آفریدی کا کہنا تھا کہ پش اپس اس لئے لگائے تاکہ کارکن ہر قسم کے حالات کے لئے تیار رہیں ۔
انہوں نے کہا کہ کارکنوں کو سختی سے ہدایت کی گئی ہے کہ اپنے پاس اسلحہ نہیں رکھیں گے ۔
صوبائی وزیر نے کہا کہ رکاوٹیں ہٹانے کے لئے کرینز سمیت دیگر بھاری مشینری ساتھ لیکر جائیں گے ۔
انہوں نے واضح کیا کہ اگر راستہ روکا گیا تو پی ٹی آئی کے کارکن ہر قسم کے حالات کے لئے تیار ہیں ۔