ویب ڈیسک: پاکستانی باکسرز کے بیرون ملک لاپتہ ہونے کے معاملے پر پاکستان سپورٹس بورڈ کی جانب سے باکسنگ فیڈریشن کے عہدیداروں پر تاحیات پابندی عائد کردی گئی ۔
انکوائری کمیٹی نے تحقیقات کرکے دونوں عہدیداروں پر پابندی کی سفارش کی تھی جس پر پاکستان سپورٹس بورڈ نے باکسنگ فیڈریشن کے صدر اور سیکرٹری پر تاحیات پابندی کی منظوری دے دی ۔
پاکستان سپورٹس بورڈ کے بورڈ آف گورنر کے اجلاس میں کمیٹی کی سفارشات پر عمل درآمد کرنیکی منظوری دی گئی۔
کمیٹی کی سفارشات پر پاکستان باکسنگ فیڈریشن کے صدر خالد محمود اور سیکرٹری ناصر تونگ پر تاحیات پابندی لگا دی گئی۔
خالد محمود پاکستان اولمپکس ایسوسی ایشن کے سیکرٹری بھی ہیں۔
خالد محمود پر تاحیات پابندی کے بعد پاکستان اولمپکس ایسوسی ایشن کے عہدے پر بھی سوالیہ نشان لگ گیا ہے۔
خیال رہے کہ پاکستانی باکسر انگلینڈ اور یورپ میں سلپ ہوئے تھے۔
انگلینڈ میں کامن ویلتھ گیمز میں دو باکسر لاپتہ ہوئے،اٹلی میں ہونے والے باکسنگ ایونٹ میں بھی ایک باکسر پاسپورٹ لیکر فرار ہوگیا تھا۔
