ویب ڈیسک: وزیر خارجہ مخدوم شاہ محمود قریشی کا وزیر اعظم کے دورہ ء افغانستان کے حوالے سے اہم بیان-
وزیر خارجہ کا کہنا تھا کہ کابل کا یہ دورہ ایک فالو اپ دورہ تھا.اس دورے سے یہ میسیج گیا ہے کہ ہم اپنے موقف پر قائم ہیں.ہم امن کے خواہاں تھے اور خواہاں ہیں اور اس سلسلے میں پوری معاونت جاری رکھیں گے.اس دورے کا ایک مقصد دونوں ممالک کے تعلقات کو مزید مضبوط کرنا تھا.
وزیر خارجہ نے کہا کہ اس دورے میں بہت اچھی نشستیں ہوئیں. میری، افغانستان کے وزیرخارجہ اور انکی ٹیم کے ساتھ اہم نشست ہوئی اور کثیرالجہتی دو طرفہ امور پر تبادلہ خیال ہوا. افغانستان اور پاکستان کے درمیان مستقبل میں تعلقات کی نوعیت پر گفتگو اور اتفاق رائے ہوا.
وزیر خارجہ نے کہا کہ اشرف غنی اس دورے کی اہمیت کو سمجھتے ہیں.اشرف غنی عمران خان کےدورےکےمنتظر تھے.اشرف غنی مستقبل قریب میں پاکستان کادورہ کریں گے.دونوں حکومتیں متفق ہیں اپنی زمین دہشتگردی کیلئےاستعمال نہیں ہونے دینگے.دونوں حکومتیں اسی جذبے کو لے کر آگے چلیں گی.
