ویب ڈیسک (پشاور)عید الفطر پر کورونا وبا کے مزید پھیلاو کا خدشہ، وزیر اعلی خیبر پختونخوا محمود خان نے کابینہ اراکین، پارلیمانی سیکرٹریوں اور ممبران صوبائی اسمبلی کو ایس او پیز پرسختی عملدرآمد کرنے کی ہدایت کردی ہے۔
ذرائع کے مطابق وزیر اعلی سیکرٹریٹ نے اس سلسلے میں باقاعدہ ہدایت نامہ جاری کردیا۔
محمود خان کا کہنا ہے کہ اراکین صوبائی کابینہ، پارلیمانی سیکرٹریز اور ممبران صوبائی اسمبلی اپنے حلقوں اور حجروں میں لوگوں سے عید ملنے اور میل جول سےگریز کریں۔عید الفطر کے موقع پر کورونا وبا کے مزید پھیلنے کا خدشہ ہے۔
وزیر اعلی نےعوام الناس کی حفاظت اور اس وبا کے پھیلاو کو روکنے کے لئے ایس او پیز پر من و عن عملدرآمد کو یقینی بنانےکی ہدایت کی ہے۔