ویب ڈیسک (پشاور)بورڈ کے سالانہ امتحانات کی ڈیوٹی کرنے والے اساتذہ کی ویکسینیشن لازمی قرار دے دی گئی ہے۔
محکمہ تعلیم نے کورونا وائرس کی روک تھام کے لئے میٹرک اور انٹرمیڈیٹ کے سالانہ امتحانات کی ڈیوٹی کرنے والے تمام اساتذہ کی ویکسینیشن لازمی قرار دی ہے۔
محکمہ تعلیم نے احکامات جاری کئے ہیں کہ تیس سال سے زائد تمام ملازمین خود کو ویکسینیشن کے لئے رجسٹرڈ کروائیں۔
اسکے علاوہ اسکولوں کے کھلنے سے پہلے چالیس سال سے زائد عمر کے تمام اساتذہ کے لئے ویکسینیشن مراکز سے ویکسین لگوانے کے احکامات بھی جاری کردیئے گئے ہیں۔
اس ضمن میں نوٹیفکیشن بھی جاری کردیا گیا ہے جس کے مطابق محکمہ تعلیم کے تمام ملازمین ویکسینیشن کرائیں گے۔