ضمنی بجٹ میں 343ارب کی ٹیکس چھوٹ واپس لینے کے بعد پشاور کی مارکیٹوں میں بچوں کیلئے خشک دودھ کی قیمتوں میں اچانک اضافہ ہوگیا جبکہ ادویات کی قیمتوں میں بھی اضافہ کردیا گیا ہے۔ پشاور کی مارکیٹوں میں میسر درآمد شدہ بچوں کے خشک دودھ کی قیمت میں اوسط 20فیصد اضافہ ہوگیا ہے جو ہر برانڈ کی قیمت کے مطابق بڑھادیا گیا ہے شہریوں کی بڑی تعداد اچانک سے دودھ کی قیمت میں اضافہ کے ساتھ حیران بھی ہے اور پریشان بھی ہو گئی ہے بچوں کیلئے باقاعدگی سے ڈاکٹرز کی جانب سے تجویز کردہ دودھ کی قیمتوں میں اضافہ کی وجہ دکاندار منی بجٹ کو قرار دے رہے ہیں
اسی طرح میڈیکل سٹورز پر موجود ادویات کی قیمتوں میں بھی دو سے تین فیصد اضافہ کردیا گیا ہے جس کی وجہ ٹیکس چھوٹ واپس لینا ہے میڈیسن سٹورز کے مطابق مہنگائی کی لہر میں مزید اضافہ کی توقع ہے کیونکہ اب تک انکے پاس زیادہ تر سٹاک پرانا ہے مزید سٹاک کی خریداری سے نئی قیمتوں کا اطلاق ہوگا اور نئی قیمتیں آئندہ 7سے 10روز میں نافذ ہو جائیں گی۔
