عالمی نمبر ایک نوواک جوکووچ نے کوالیفائر ایوان گاخوف کو اپنے پہلے میچ میں شکست دے کر مونٹی کارلو ماسٹرز کے تیسرے راؤنڈ میں رسائی حاصل کر لی ہے یہ ایک ماہ کے عرصے کے دوران عالمی نمبر ایک کی پہلی کامیابی ہے۔ پہلے راؤنڈ میں بائی حاصل کرنے والے جوکووچ نے روسی کھلاڑی کو 7-6 (7-5) 6-2 سے شکست دی۔ 3 مارچ کو دبئی ٹینس چیمپیئن شپ کے سیمی فائنل میں ڈینیل میدویدیف سے شکست کے بعد جوکووچ میدان میں نہیں اترا تھا۔ 22 بار کے گرینڈ سلیم چیمپئن جوکووچ کا مقابلہ موناکو کلے پر لاسٹ 16 میں یا تو کوالیفائر لوکا نارڈی یا اٹلی کے 16 ویں سیڈ لورینزو موسیٹی سے ہونے کا امکان ہے۔ دو بار کے مونٹی کارلو کے فاتح نے نوواک جوکووچ نے کہا کہ ”یہ شاید آج کی ٹینس کی بدصورت جیت تھی۔ میں نے اپنا بہترین کھیل نہیں کھیلا، خاص طور پر پہلے سیٹ میں، لیکن مجھے امید تھی کہ حالات کے مطابق آج بہت زیادہ ہوا چل رہی ہے۔ میں اس بات سے خوش ہوں کہ جس طرح میں نے اہم لمحات میں اپنے اعصاب کو تھام رکھا تھا یہ بہت اہم تھا۔ دبئی میں میدویدیف کے ہاتھوں جوکووچ کی شکست 2023 میں اب تک ان کی واحد شکست ہے۔
