روپے کی قدر میں ڈالر کے مقابلے میں بہتری کا سلسلہ جاری ہے، آج منگل کے روز انٹربینک میں ڈالر 300 روپے سے کم ہوگیا۔
ویب ڈیسک: کاروباری ہفتے کے دوسرے روز انٹربینک مارکیٹ میں ڈالر کی قدر ایک روپے 66 پیسے کم ہوکر 299.50 روپے کی سطح پر آ گئی، تاہم بعد میں کمی کا رجحان جاری رہا اور ڈالر ایک روپے 46 پیسے کی کمی سے 299 روپے 70 پیسے کا ہوگیا۔
دریں اثنا اوپن مارکیٹ میں ڈالر کے خریدار غائب ہو گئے۔ اوپن مارکیٹ میں ڈالر بغیر کسی تبدیلی کے 300 روپے پر مستحکم ہے۔
دوسری جانب پاکستان اسٹاک ایکسچینج میں آج بھی مندی کا رجحان ہے، جہاں 94 پوائنٹس کی مندی سے کے ایس ای 100 انڈیکس گھٹ کر 45771 پوائنٹس کی سطح پر آگیا۔ بعد ازاں مندی کا رجحان جاری رہا اور پی ایس ایکس میں 270 پوائنٹس کی مندی سے 100 انڈیکس 45594 پوائنٹس کی سطح پر ہے۔
