ویب ڈیسک (کراچی): سندھ حکومت نے صوبے کے بیس اضلاع کو آفت زدہ قرار دے دیا ہے۔
سندھ کے ریلیف کمشنر کی طرف سے جاری کئے جانے والے مراسلے کے مطابق مون سون کے دوران طوفانی بارشوں سے صوبے کے مختلف اضلاع میں جانی و مالی نقصان ہوا۔
متاثرہ اضلاع کے ڈپٹی کمشنرز امدادی رقوم کیلئے نقصانات کا تخمینہ لگانے کے لئے فوری طور پر سروے کریں گے۔
اعلامیے کے مطابق آفت زدہ قرار دیئے جانے والے علاقوں میں کراچی جنوبی مغربی مشرقی وسطی کورنگی ملیر حیدر آباد بدین ٹھٹھہ سجاول جامشورو ٹنڈو محمد خان ٹنڈو اللہ یار مٹیاری دادو میر پور خاص عمر کوٹ تھر پار کر شہید بے نظیر آباد اور سانگھڑ شامل ہیں۔