ویب ڈیسک(پشاور)۔خیبر پختونخواہ کابینہ کا اہم اجلاس پیر کے روز طلب کرلیا گیا ہے،محکمہ انتظامی امور نے 18 نکاتی ایجنڈہ جاری کردیا ہے.
کابینہ اجلاس کے ایجنڈے میں سر فہرست خوراک کی پالیسی شامل ہے۔
ضم اضلاع کے 41 ایڈیشنل و سیشن ججز کے لئے گاڑیوں کی خریداری شامل ہے،آرمز قوانیں اور کریمنل پروسیجر میں ترامیم شامل ایجنڈا کا حصہ ہے۔
سزاوں سے متعلق بل اورلیگل ایڈ رولز میں ترامیم شامل ہے،صوبہ کے 4 اضلاع میں صفائی ستھرائی کے ادارے میں بورڈ آف گورنرز کے ارکان کے لیے سفارشات بھی ایجنڈا کا حصہ ہے۔
نان بائیو ڈی گریڈیبل شاپنگ پر پابندی اور آکسو ڈی گریڈیبل پلاسٹک شاپنگ بیگ کے اجراء سے متعلق قوانین میں ترامیم اور
ضلع سوات میں مالم جبہ ہوٹل،چیر لفٹ اور سکنگ ریزورٹ کی زمین سے متعلق معاملات بھی ایجنڈا میں شامل ہے۔
