مقبوضہ کشمیر میں قابض بھارتی فوج کی بربریت جاری ہے ۔بھارتی فوجیوں نے2 کشمیری نوجوانوں کو شہید کردیا۔
جموں و کشمیر میں بھارتی فوجیوں نے اپنی ریاستی دہشتگردی کی تازہ کارروائی کے دوران آج سرینگر میں مزید دو کشمیری نوجوانوں کو شہید کردیا۔
کشمیر میڈیاسروس کے مطابق بھارتی فوج نے دو نوجوانوں کو ضلع سرینگر کے علاقے زکورہ میں تلاشی اور محاصرے کی کارروائی کے دوران شہید کیا ہے۔
بھارتی قابض افواج نے علاقے کی تمام داخلی اور خارجی راستوں کی ناکہ بندی کی اور موبائل فو ن انٹرنیٹ سروس کو بند کردیا ہے ۔ آخری اطلاعات آنے تک تلاشی کارروائی جاری تھی۔
واضح رہے کہ آج 5 فروری کو کشمیریوں سے اظہار یکجہتی کا دن منایا جا رہا ہے جس کے دنیا بھر میں دوران ریلیاں نکالی گئیں اور احتجاجی مظاہرے کئے جا رہے ہیں۔
