افغانستان کے دارلکومت کابل میں اقوام متحدہ کیلئے کام کرنے والے دو غیرملکی صحافیوں کو مبینہ طور پر حراست میں لے لیا گیا ہے، تاہم افغان طالبان نے اس معاملے میں لاعلمی کا اظہار کیا ہے۔
تفصیلات کے مطابق اقوام متحدہ کی ایجنسی برائے پناہ گزین (یواین ایچ سی آر ) نے کہا ہے کہ یو این کے اسائنمنٹ پرکابل میں موجود دو غیرملکی صحافیوں اور ان کے ساتھ کام کرنے والے دیگر افغان افراد کو بھی حراست میں لیا گیا ہے۔
یہ بھی پڑھیں: بھارت میں انتہا پسندی عروج پر، مسلمان خاتون صحافی کی 1 کروڑ رقم ضبط
گرفتار ہونے والے صحافی اینڈریو کی اہلیہ کا سماجی رابطے کی ویب سائٹ ٹوئیٹر پر کہنا تھا کہ ان کے شوہر کابل میں یو این ایچ سی آر کیلئے کام کر رہے تھے. انہوں نے کہا کہ وہ اپنے شوہر اینڈریو کی حفاظت کیلئے فکر مند ہیں۔
دوسری جانب طالبان ترجمان ذبیح اللہ مجاہد نے کہا ہے کہ افغان حکام معاملے کا جائزہ لے رہے ہیں اور تحقیق جاری ہے۔