ویب ڈیسک: خیبر پختونخوا میں سرکاری وکلاء اور انتظامیہ کے درمیان مذاکرات کامیاب ، پبلک پراسیکیوٹرز نے چھ روز سے جاری ہڑتال ختم کردی ۔
ایڈیشنل چیف سیکرٹری کی جانب سے یقین دہانی ملنے پر پراسیکیوٹرز نے ہڑتال ختم کرنے کا اعلان کردیا ۔
اس حوالے سے پراسیکیوٹرز ایسوسی ایشن کے عہدیداروں کا کہنا تھا کہ ایڈیشنل چیف سیکرٹری نے ہمارے تمام مطالبات کو تسلیم کیا ہے ۔
ایڈیشنل چیف سیکرٹری نے مطالبات وزیراعلیٰ کے سامنے رکھنے کی یقین دہانی کرائی ہے ۔
پراسیکیوٹرز ایسوسی ایشن کے مطابق آئندہ ہفتے وزیراعلیٰ سے ملاقات بھی کرائی جائے گی ۔
عہدیداروں نے کہا کہ وزیراعلیٰ خیبر پختونخوا سے ملاقات تک ہڑتال ختم کررہے ہیں ۔
