ویب ڈیسک (اسلام آباد)پوری قوم آج جمعہ یوم توبہ و استغفار کےطور پر منائے گی۔
تفصیلات کے مطابق صدر پاکستان عارف علوی کی ہدایت پرآج رمضان المبارک کا پہلا جمعہ یوم توبہ و استغفار کے طور پر منایا جائے گا۔
وزارت مذہبی امور و بین المذاہب ہم آہنگی کی جانب سے جاری نوٹیفکیشن کے مطابق صدر مملکت ڈاکٹر عارف علوی کی ہدایت پر کورونا وائرس کی و باء کی تشویشناک صورتحال کے پیش نظر رمضان المبارک کے پہلے جمعے کو یوم توبہ و استغفار کے طورپر منانے کا فیصلہ کیا گیا ہے۔
ذرائع کے مطابق مساجد میں کورونا سے نجات کے لیے خصوصی دعائیں کی جائیں گی۔
وزارت مذہبی امور و بین المذاہب ہم آہنگی کی جانب سے تمام متعلقہ اداروں، مساجد کے خطباء اور عوام کو کورونا سے نجات کیلئے احتیاطی تدابیر اختیار کرتے ہوئے خصوصی توبہ و استغفار کے اہتمام کی اپیل کی گئی ہے۔
