ویب ڈیسک (ایبٹ آباد)کورونا وائرس کی تیسری لہر کے وار تھم نہ سکے،ایوب ٹیچنگ ہسپتال میں دو دن میں 8 افراد جان کی بازی ہارگئے ۔
ہسپتال انتظامیہ کے مطابق ایوب ٹیچنگ ہسپتال میں اس وقت کورونا وائرس سے متاثرہ داخل مریضوں کی تعداد 89 ہے جبکہ ان میں انتہائی تشویشناک حالت میں داخل مریض جن کو ICU میں رکھا گیا ہے ان کی تعداد 15 ہے۔
ہسپتال انتظامیہ نے ہزارہ کے عوام سے درخواست کی ہے کے کورونا وائرس کی احتیاطی تدابیر پر سختی سے عمل کریں اور اپنی صحت کا خاص خیال رکھیں ماسک کا استعمال لازمی کریں۔ مریضوں کو ہر ممکن سہولیات کی فراہمی کیلئے کوشاں ہیں۔