ویب ڈیسک (اسلام آباد) وزیر خارجہ شاہ محمود قریشی کی جانب سے بھارت میں کورونا وائرس سے متاثرہ خاندانوں سے اظہار ہمدردی کے لئے پیغام جاری کیا گیا ہےانہوں نے کہا ہے کہ کوویڈ کی موجودہ لہر کے تناظر میں بھارت کے عوام کی مکمل حمایت کرتے ہیں۔
سماجی رابطے کی ویب سائٹ پر اپنے یک پیغام میں وزیر خارجہ شاہ محمود قریشی نے کہا ہے کہ بھارت میں کورونا کے نتیجے میں ہونے والے جانی نقصان پر افسوس ہے۔
شاہ محمود قریشی کا کہنا تھا کہ پاکستانی عوام کی طرف سے ہندوستان میں متاثرہ خاندانوں سے دلی ہمدردی کا اظہار کرتا ہوں۔
وزیر خارجہ کا کہنا تھا کہ کورونا وائرس سے ہمارے خطے کو سخت نقصان پہنچا ہے لہٰذا ہمیں سیاست کو ایک طرف رکھ کر اس وقت انسانی ہمدردی کو ترجیع دینی چائیے۔
وزیر خارجہ نے بتایا ہے کہ پاکستان اس وباء سے نمٹنے کے لئے سارک ممالک کے ساتھ مل کر کام کر رہا ہے۔
