اسرائیل اور حماس کے درمیان ہونے والے سیز فائر معاہدے کی خلاف ورزی کرتے ہوئے صہیونی فوج نے ایک مرتبہ پھر مسجد الاقصیٰ میں نمازیوں پر شیلنگ کر دی۔ جس کے باعث متعدد خواتین اور بچے زخمی ہو گئے۔
خبر ایجنسی کے مطا بق مسجدالاقصیٰ میں فلسطینی جنگ بندی کا جشن منا رہے تھے، اسرائیلی فورسز نے خواتین اور بچوں پر ربڑ کی گولیاں اور شیل فائر کیے ، اسرائیلی فورسز کی شیلنگ سے متعدد فلسطینی زخمی ہوۓ ہیں۔
غیر ملکی خبر رساں ادارے کے مطابق گزشتہ روز اسرائیل فوج اور حماس کے درمیان مصر کی ثالثی کے بعد جنگ بندی ہوئی تھی، گیارہ روز تک جاری رہنے والی جنگ میں 200 سے زائد فلسطینی شہید ہو گئے تھے۔
