خیبر پختونخوا کے ضلع اپر دیر میں مردان سے کلکوٹ جانے والی مسافر وین کو حادثہ پیش آنے کے باعث وین گہری کھائی میں جاگری جس کے نتیجے میں 7 افراد جاں بحق اور 8 زخمی ہو گئے۔
یہ بھی پڑھیں: خیبر پختونخوا: مال بردار گاڑیوں پر کوئی نیا ٹیکس نہیں لگایا گیا، ڈی جی کیپرا
میڈیا رپورٹس کے مطابق ضلعی پولیس کا کہنا ہے کہ اپر دیر کے علاقے پاتراک چالال میں مردان سے کلکوٹ جانے والی مسافر وین حادثے کا شکار ہوکر کھائی میں جاگری۔ انہوں نے کہا کہ مسافر وین گہری کھائی میں گرنے سے 7 افراد جاں بحق جبکہ 8 افراد شدید زخمی ہو گئے ہیں۔
پولیس کے مطابق جاں بحق ہونے والوں میں خواتین اور بچے بھی شامل ہیں۔ انہوں نے کہا کہ زخمیوں کو مقامی افراد اور پولیس نے ریسکیو کرکے ڈسٹرکٹ ہیڈ کوارٹر اسپتال پہنچایا۔ ان کا کہنا تھا کہ شدید زخمی افراد کو ڈسٹرکٹ ہیڈ کوارٹر اسپتال سے پشاور منتقل کر دیا گیا ہے۔
