ویب ڈیسک: سابق وزیراعظم اور چیئرمین تحریک انصاف عمران خان آج رات سیلاب متاثرین کے لیے انٹرنینشل ٹیلی تھون کریں گے۔
چئیرمین پی ٹی آئی عمران خان لائیو ٹیلی تھون کے ذریعے سیلاب زدگان کی امداد کے لیے فنڈ ریزنگ کریں گے۔ عوام سے ملنے والی رقم پورے پاکستان میں استعمال ہو گی۔
خیبر پختونخوا اور پنجاب میں پی ٹی آئی کی حکومتیں جبکہ سندھ اور بلوچستان میں ایک شفاف طریقہ کار کے تحت ان فنڈز کو استعمال کیا جائے گا۔
پنجاب اور خیبر پختونخوا کے وزرا ئے اعلیٰ بھی عمران خان کے ساتھ ہوں گے۔
