ویب ڈیسک: پشاور اور لاہور میں مرغی کا گوشت مزید سستا ، زندہ مرغی کی قیمتوں میں بھی نمایاں کمی آگئی ہے ۔
پشاورمیں زندہ برائلر مرغی کی فی کلو قیمت میں مزید 25روپے کی کمی ہونے سے مرغی کی فی کلو قیمت 290روپے ہو گئی،ٹماٹر کی فی کلو قیمت میں 20روپے کا اضافہ ہو گیاہے، سرکاری نرخ 90روپے کلو ہو گئے۔
سرکاری نرخنامے کے مطابق پشاورمیں پیاز فی کلو 80 روپے، مٹر 240روپے، آلو فی کلو 90 روپے اور کچالو فی کلو 260 روپے میں دستیاب ہے۔
لاہور میں برائلر مرغی کا گوشت 15 روپے سستا ہو کر 377 روپے کلو ہو گیا جبکہ انڈوں کی فی درجن قیمت 251 روپے پر مستحکم رہی۔
گزشتہ روز برائلر مرغی کے گوشت کی قیمت میں 46 روپے کی بڑی کمی ہوئی تھی، جس کے بعد گوشت 392 روپے کلو ہو گیا تھا۔
برائلر مرغی کے گوشت کی قیمت میں پانچ روز کے دوران 100 روپے فی کلو کمی ہوئی ہے۔
