ویب ڈیسک (ریاض): ریاض میں پاکستانی سفارت خانہ کیطرف سے اہم اقدامات اٹھائے ہیں ، تارکینِ وطن کے لئے "پاکستان ان سعودی عرب” کے نام سے نئی ایپ متعارف کروادی گئی ،سفارتی ذرائع کے مطابق ابتدائی طور پہ ایپ اینڈرائڈ سسٹم پر ہے، بہت جلد آئ ایس او پر بھی دستیاب ہو گی ۔
کمیونٹی کو اقامہ ایکسپائر ، کفیل حوالے سے جمع کی گئی درخواستوں کی اپ ڈیٹ کے لئے سفارتخانہ آنے کی ضرورت نہیں ہوگی، تارکینِ وطن گھر بیٹھے سفارتخانہ کی خدمات سے مستفید ہو سکیں گے، آن لائن رجسٹریشن کے ذریعے ضروری معلومات کے ہمراہ سفارتخانہ کو درخواست جمع کرائی جا سکیں گی ، دی گئی درخواستیں جائزے کے بعد خودکار نظام کے زریعے متعلقہ اداروں تک بھیج دی جائیں گی، ضرورت پڑنے پر درخواست دہندہ کو سفارتخانہ طلب کیا جاسکے گا۔