پاکستانی شوبز انڈسٹری کا معروف جوڑا منال خان اور احسن محسن اکرام شادی کے بعد پہلی بار اسکرین پر ایک ساتھ نظر آئیں گے۔
تفصیلات کے مطابق منال خان اور احسن محسن اکرام نے اپنے انسٹاگرام اکاؤنٹ پر مداحوں کے ساتھ خوشخبری بانٹتے ہوئے ایک جیسے کیپشن کے ساتھ معاہدے پر دستخط کرتے ہوئے تصویر شیئر کی۔
یہ بھی پڑھیں: عاصم اظہر اور میرب علی نے منگنی کر لی
احسن اور منال نے کیپشن میں بتایا کہ وہ اس اوریجنل پراجیکٹ سے متعلق خاصے پرجوش ہیں جس کی شوٹنگ بین القوامی سطح پرکی جائے گی۔ انہوں نے مداحوں سے وعدہ کیا کہ وہ انہیں پراجیکٹ میں پیشرفت سے آگاہ رکھیں گے۔
واضح رہے کہ اس سے قبل احسن اور منال سال 2017 میں ریلیز ہونے والے ڈرامہ سیریل پرچھائی میں ایک ساتھ کام کرچکے ہیں۔