ویب ڈسک (پشاور) ۔ ساتھویں محرم الحرام کے موقع پر شہر میں سکیورٹی کے سخت ترین انتظامات کیے گئے، سی سی پی او پشاور محمد علی گنڈا پور اور ایس ایس پی آپریشن منصور آمان نے اندرون شہر کا دورہ کیا، دونوں افسران نے کنٹرول روم اور سپریم کمانڈ پوسٹ، انٹری پوانٹس اور دیگر سکیورٹی اقدامات کا جائزہ لیا، ایس پی سٹی وقار عظیم کھرل اور دیگر پولیس افسران بھی ان کے ہمراہ موجود تھے، تمام ماتمی جلوسوں کو تین لیئر سکیورٹی فراہم کی جا رہی ہے، فول پروف سکیورٹی کی فراہمی کو یقینی بنانے کی خاطر خصوصی سکیورٹی پلان ترتیب دیا گیا ہے۔
سی سی پی او نے کہا کہ ماتمی جلوسوں اور امام بارگاہوں کی فول پروف سیکیورٹی انتظامات اولین ترجیح ہے،تمام روٹس کی سنیفر ڈاگز اور بی ڈی یو کے زریعے سویپنگ کی جارہی ہے اور داخلی و خارجی راستوں پر سپیشل ناکہ بندیوں پر چیکنگ کا سلسلہ مزید سخت کر دیا گیا ہے۔