ویب ڈیسک (ممبئی)بالی وڈ اداکارہ سوناکشی سنہا نے اپنا خواب حقیقت بنا لیا۔ انہوں نے بالآخر اپنی کمائی سے گھر خرید لیا ہے جس پر وہ بےحد خوش ہیں۔
بالی وڈ اداکارہ سوناکشی سنہا نے حال ہی میں ممبئی کے پوش علاقے باندرا میں پُر تعیش اپارٹمنٹ خریدا ہے۔
سوناکشی سنہا نے اس گھر کو خریدنے کے حوالے سے بتایا کہ جب سے میں نے کام کرنا شروع کیا تو میرا یہ خواب تھا کہ میں 30 سال کی عمر تک اپنی محنت سے کمائے گئے پیسوں سے اپنا گھر بناؤں۔ اب میں 30 سال سے زائد کی ہو چکی ہوں لیکن بالآخر میں نے اپنی کمائی سے گھر خرید ہی لیا ہے۔
اداکارہ کا کہنا ہے کہ میں اپنے گھر والوں کے ساتھ رہنے میں زیادہ خوش رہتی ہوں اس لئے میرا فی الحال اپنے ذاتی گھر میں منتقل ہونے کا کوئی ارادہ نہیں ہے۔ یہ گھر میرا خواب تھا اور یہ ایک اچھی سرمایہ کاری بھی ہے۔