ویب ڈسک : معاون خصوصی ڈاکٹر ثانیہ نشتر کا کہنا ہے کہ حکومت مستحق افراد کیلئے کووڈ19فنڈز سے امداد کی فراہمی کاسلسلہ جاری رکھی گی-
انہوں نے کہا کہ وزیراعظم عمران خان نے ویب پورٹل کا اجراء کیا ہے جس کے ذریعے احساس ایمرجنسی کیش پروگرام سے امداد کی فراہمی کیلئے کوروناوائرس سے متاثرہ افراد سے درخواستیں طلب کی جائیں گی۔
انہوں نے ایک ٹویٹ میں کہا کہ کیٹیگری فور کے ان مستحق افراد کو احساس ایمرجنسی کے بارہ ہزار روپے دئیے جائیں گے۔
ڈاکٹر ثانیہ نشتر نے کہا کہ Covid-19 فنڈز سے مستحق افراد کیلئے امداد کی فراہمی کا سلسلہ جاری رہیگا اور امداد فراہم کرنے والے مخیر حضرات کے ہر ایک روپے کے بدلے میں چار روپے حکومت کی جانب سے امدادی فنڈز میں شامل کئے جائیں گے۔
انہوں نے کہا کہ احساس ایمرجنسی کیش فنڈز کی منتقلی کیلئے شفافیت کے موجودہ اصولوں قواعد و ضوابط اور اعدادوشمار کے تجزیے کے جن قواعدوضوابط کو مدنظر رکھا گیا، یہی قوانین وزیراعظم کے Covid-19فنڈ سے کیٹیگری فور کے مستحق افراد کے چناو کیلئے کارفرماہوں گے۔
