کوئٹہ: آرمی چیف جنرل قمر جاوید باجوہ کا سدرن کمانڈ کا دورہ، کوئٹہ آمد پر کمانڈر سدرن کمانڈ لیفٹیننٹ جنرل محمد وسیم اشرف نے آرمی چیف کا استقبال کیا۔
آرمی چیف جنرل قمر جاوید باجوہ کو سدرن کمانڈ ہیڈ کوارٹرز کوئٹہ میں قرنطینہ سہولیات ، آپریشنل تیاریوں اور پاک افغان ، پاک ایران سرحد پر باڑ لگانے سمیت بارڈر مینجمنٹ پر بریفنگ دی گئی۔
کوئٹہ میں فوجی افسروں اور جوانوں سے خطاب کرتے ہوئے آرمی چیف جنرل قمر جاوید باجوہ نے کہا ہے کہ پرامن اور خوشحال بلوچستان کے لیے حکومت اور عوام کی بھرپور مدد کرنا ہمارا فرض ہے ۔ انہوں نے کہا کہ بلوچستان پاکستان کا مستقبل ہے ۔افسروں اور جوانوں سے گفتگو کرتے ہوئے آرمی چیف نے ان کے عزم و حوصلے اور پیشہ ورانہ مہارت کو سراہا۔
