ویب ڈیسک (کابل)افغانستان میں طالبان نے ملک کے آخری صوبے پنجشیر کو بھی فتح کرنے کا اعلان کیاہے۔
یہ اعلان طالبان ترجمان ذبیح اللہ مجاہد کیطرف سےایک بیان میں کیاگیاہےدوسری طرف پنجشیرکےمزاحمتی فرنٹ نےطالبان کی جانب سےپنجشیرکی مکمل فتح کومستردکرتےہوئےکہاہےکہ وادی کے اہم دفاعی مقامات پراب ان کاقبضہ ہے اورانکی طرف سےمزاحمت جاری ہے۔
ذبیح اللہ مجاہدکااپنےبیان میں مزید کہناتھاکہ پنجشیر میں مزاحمت کاروں کےکئی اہم کمانڈرمارے گئےہیں اور اب امارت اسلامی کا علاقے پرمکمل کنٹرول ہے ۔
یہ بھی پڑھیں :پنجشیرمیں لڑائی جاری،مزاحمت کررہے ہیں،احمد مسعود
انہوں نے کہاکہ پنجشیرمیں رہنے والے بھی ان کے بھائی ہیں کسی سے کوئی انتقام نہیں لیا جائے گا۔ادھر مزاحمت فرنٹ کے سربراہ احمد مسعود نےطالبان کے ساتھ مذاکرات پر رضامند ظاہر کرتے ہوئے کہا ہے کہ طالبان پنجشیر پر حملے روک دیں تو وہ بات چیت کے لئےتیار ہیں۔
انہوں نے کابل میں علماء کی جانب سے جنگ روکنے کی اپیل کا خیرمقدم کرتے ہوئے کہاکہ وہ شروع سے مذاکرات کے ذریعے مسائل حل کرنے پر زور دے رہے تھے۔
