ویب ڈیسک( پشاور) صوبے کے آئمہ مساجد کے لئے نئے سال کی بڑی خوشخبری،وزیر اعلی محمود خان کی زیر صدارت محکمہ اوقات کے اجلاس میں فیصلہ کیا گیا ہے کہ صوبہ بھرکے آئمہ کرام کواعزازیہ
دیا جائیگا۔
صوبے کے تقریبا 22 ہزار آئمہ مساجد کو 10 ہزار روپے ماہانہ اعزازیہ دیا جائے گا۔ ان اعزازیوں پر ماہانہ تقریبا 22 کروڑ 72 لاکھ جبکہ سالانہ ڈھائی ارب سے زائد خرچ کئے جائیں گے۔
وزیراعلی کی خصوصی ہدایات پر ضم اضلاع کے آئمہ مساجد کو بھی اعزازیہ دینے کا فیصلہ کیا گیا ہے،اگلے مالی سال کے آغاز سے آئمہ کرام کو اعزازیوں کی فراہمی کے لئے تمام تر انتظامات ہر لحاظ سے مکمل کئے جائیں۔
وزیراعلی نےاجلاس میں اعلان کیا ہے کہ صوبے بھر کے مساجد اور مدارس کو شمسی توانائی کی فراہمی کے علاوہ ان کی دیگر ضروریات بھی ترجیحی بنیادوں پر پوری کی جائیں گی۔
