عوام کے مسائل کو حل کرنے کیلئے حکومت سے بات کرنے کو تیار ہیں- چیئرمین پاکستان پیپلز پارٹی

ویب ڈیسک: چیئرمین پاکستان پیپلز پارٹی بلاول بھٹو زرداری کی پریس کانفرنس ان کا کہنا تھا کہ پاکستان میں مہنگائی کی شرح افغانستان اور بنگلہ دیش سے بھی زیادہ ہے- بلاول بھٹو نے ملک کی بدترین معاشی صورتحال کو حکومت کے خلاف چارج شیٹ قرار دے دیا۔

بلاول بھٹو نے کہا کہ حکومت کی غلط پالیسیوں کی وجہ سے آئے دن کوئی نہ کوئی ملک ہماری قومی ائیر لائن پر پابندی عائد کررہا ہے، ملائیشیا میں لیز کی عدم ادائیگی کی وجہ سے طیارہ تحویل میں لینا اس بات کو ظاہر کرتا ہے کہ ہم آج معاشی اور اندرونی و بیرونی معاملات میں کس مقام پر کھڑے ہیں۔

ان کا کہنا تھا کہ پاکستان ڈیموکریٹک موومنٹ 19 جنوری کو الیکشن کمیشن کے باہر احتجاج کرکے یہ مطالبہ کرے گی کہ فارن فنڈنگ کیس کے نتائج جلد از جلد عوام کے سامنے لائے جائیں۔فاقی حکومت کی جانب سے صوبہ سندھ کو این ایف سی ایوارڈ کا حق، فیڈرل ٹرانسفر کا شیئر اور گیس کا حق نہیں ملتا، جزائر سے لیکر اسپتالوں تک پر قبضہ کیا جاتا ہے۔ لیکن پھر بھی عوام کے مسائل کو حل کرنے کیلئے بیٹھ کر بات کرنے کو تیار ہیں.

بلاول بھٹو نے کہا کہ اوپن ووٹنگ کا فیصلہ پارلیمنٹ اور منتخب امیدواروں کا کام ہے، اس مسئلے کیلئے سپریم کورٹ جاکر ادارے کو متنازع نہیں بنانا چاہیئے،وفاقی حکومت نے سفید پوش، مزدور اور غریب طبقات کا خیال رکھنے کی بجائے کنسٹرکشن انڈسٹری کو ایمنسٹی پیکج، بینکرز، اسٹاک بروکرز اور امیر ترین لوگوں کو فائدہ پہنچایا ہے.