ویب ڈیسک (اسلام آباد)عالمی وبا بچوں کیلئے روز بہ روز خطرناک ہونے لگی،اسلام آبادمیں 24گھنٹوں میں نومولود سے10سال عمرکے 93 بچوں میں کوروناکی تصدیق ہوئی ہے۔
دستاویز کے مطابق اسلام آباد میں کورونا کے شکار بچوں کی مجموعی تعداد 6 ہزار 407 ہوگئی،11 سال سے 20 سال کے مزید 61 نوجوانوں میں کورونا کی تصدیق ہوئی ہے۔
رپورٹ کےمطابق 24 گھنٹوں میں 21سے30سال کے 116جبکہ 31 سے45 سال کے 200 اور 46 سال سے 60 سال کی عمر کے 116 شہریوں کا کورونا ٹیسٹ مثبت آیا ہے۔
دستاویز کے مطابق گزشتہ چوبیس گھنٹوں میں 61 سے 80 سال کے مزید 67 افراد 81سال سےزائدعمرکے 6 افرادکورونا کا شکار ہوئے ہیں۔
24گھنٹوں میں دیہی علاقوں کی نسبت شہری علاقوں میں کورونامثبت کیسززیادہ رپورٹ ہوئے ہیں اسلام آباد کے دیہی علاقوں سے 283 جبکہ شہری علاقوں 376 سےکیس رپورٹ ہوئےہیں جن میں 355 مردوں اور 304 خواتین شامل ہیں۔
