ویب ڈیسک (پشاور)وزیر اعلیٰ کے معاون خصوص کامران بنگش نے اپنے ایک بیان میں کہا کہ اساتذہ کرام ہمارے لئے قابل قدر اور قوم کے معمار ہیں،پر امن احتجاج ہر شہری کا بنیادی حق ہے، انہوں نے کہا کہ اساتذہ کرام پر تشدد کا سن کر انتہائی دکھ ہوا، وزیراعلی محمود خان نے پولیس حکام سے رپورٹ طلب کرلی،
ترجمان خیبرپختونخوا حکومت نے مزید کہا کہ احتجاجی ملازمین اور اساتذہ کرام کے جائز مطالبات سننے اور حل کرنے کے لئے ہر وقت تیار ہیں، جامعات کو مالی اور انتظامی طور پر مشکلات سے نکالنا ہم سب کی اولین ترجیح ہے۔
