doctor coronavirus 660x330 1

اسلام اباد پولی کلینک کے 30 ڈاکٹرز قرنطینہ منتقل

اسلام آباد ہسپتال پولی کلینک میں ایمرجنسی وارڈ میں مامور ڈاکٹر میں کورونا وائرس کی تصدیق کے بعد پولی کلینک ہاسٹل کے 30 ڈاکٹرز کو ایچ نائن کے قرنطینہ منتقل کیا گیا ہے۔

کورونا کا شکار ڈاکٹر امتیاز اس وقت پولی کلینک کے ہی آئسولیشن وارڈ میں زیر علاج ہیں۔

قرنطینہ مرکز کے انچارج ڈاکٹر سرتاج کا کہنا ہے کہ ڈاکٹرز ہاسٹل میں رہائش پذیر تمام 30 ڈاکٹرز کے نمونے این آئی ایچ بھیجے جا رہے ہیں جن کی رپورٹ ایک سے دو روز میں موصول ہو جائے گے۔

ذرائع کا کہنا ہے کہ گزشتہ رات پولی کلینک ہاسٹل سے 30 افراد کو قرنطینہ منتقل کیاگیا، قرنطینہ میں منتقل افرادمیں 26 ڈاکٹر، عملےکے4افرادشامل ہیں۔

ڈاکٹر سرتاج علی خان کے بقول رپورٹ موصول ہونے کے بعد آئندہ کا فیصلہ کیا جائے گا۔