پشاور کے خیبر ٹیچنگ اسپتال میں گذشتہ ایک سال سے ایم آر آئی مشین خراب پڑی ہوئی ہے جس کی وجہ سے ایم آر آئی کے کمرے کو تالے لگادیے گئے ہیں۔
تفصیلات کے مطابق خیبر ٹیچنگ اسپتال میں گزشتہ ایک سال ایم آر آئی مشین خراب ہونے کی وجہ سے مریضوں کو مشکلات کا سامنا کرنا پڑ رہا ہے۔
یہ بھی پڑھیں: اسلامیہ کالج، اساتذہ اور ملازمین کی ہڑتال دوسرے ہفتے میں داخل
مریضوں کا کہنا ہے کہ انہیں ایم آر آئی کرانے کے لیے مجبوراً خیبر ٹیچنگ اسپتال سے دیگر اسپتالوں میں جانا پڑتا ہے۔
اس حوالے سے اسپتال انتظامیہ نے کہا ہے کہ صوبائی حکومت انڈومنٹ فنڈز سے ایم آر آئی مشین کی مرمت کی منظوری دے چکی ہے۔ انہوں نے کہا کہ پرانی مشین کی جگہ جدید ایم آر آئی مشین نصب کی جائے گی۔
خیبر ٹیچنگ اسپتال انتظامیہ کے مطابق نئی ایم آر آئی مشین کی تنصیب کا عمل ایک ماہ میں مکمل ہوگا۔
