ویب ڈیسک: ضلع نوشہرہ میں تیز رفتار ڈمپر موٹر سائیکل سواروں پر چڑھ دوڑی، اس روڈ ایکسیڈنٹ میں 2 بچیاں جاں بحق جبکہ ان کا والد زخمی ہو گیا۔
ذرائع کے مطابق نوشہرہ کے علاقہ نظام پور درازگئی کے مقام پر پیش آنے والے حادثے میں 2 بچیاں جاں بحق جبکہ ان کا والد شدید زخمی ہو گیا۔
یاد رہے جاں بحق ہونے والوں میں 7 سالہ ادیبہ اور 8 سالہ رطبہ شامل ہیں۔ دونوں بہنیں والد کے ساتھ موٹر سائیکل پر سکول جا رہی تھیں کہ اس دوران تیز رفتار ڈمپر ان سے آ ٹکرایا۔
والد راہد خان کا کہنا ہے کہ جاں بحق ہونے والی بچیوں کا آج رزلٹ تھا۔ دونوں بچیوں کے لاشوں کو ڈی ایچ کیو ہسپتال نوشہرہ منتقل کردیا گیا۔
Load/Hide Comments