ویب ڈیسک(اسلام آباد) پی آئی اے شعبہ انجینئرنگ کے درجنوں ملازمین کے تبادلے کے احکامات جاری کرتے ہوئے ملازمین کوکراچی،اسلام آباد ،لاہور رپورٹ کرنے کی ہدایت کردی۔
ترجمان کے مطابق تبادلوں کی زد میں آنے والوں میں آفیسر انجینرنگ، ائیرکرافٹ انجینئر، سینئر ٹیکنیشنز و دیگر شامل ہیں،انجینئرنگ ملازمین کو مستقل بنیادوں پرکراچی، اسلام آباد اور لاہور رپورٹ کرنے کا کہا گیا ہے،احکامات میں ملازمین کو 18 جنوری تک تبادلے کی جگہ رپورٹ کرنے کا کہا گیا ہے،ملازمین کو سفر کے لئے یا اہل خانہ کے ساتھ یکطرفہ فضائی ٹکٹس بھی جاری کئے جائیں گے۔
ذرائع کے مطابق تبادلہ کئے گئےکراچی کے رہائشی انجینئرنگ ملازمین مستقل بنیادوں پر بیرون شہر تبادلے سے مشکلات کا شکار ہیں،بمعہ اہل خانہ منتقلی اور رہائشی انتظامات سمیت بچوں کے اسکول، کالجز میں داخلوں کے مسائل در پیش ہیں۔
ترجمان پی آئی اے کے مطابق بڑے پیمانوں پربیرون شہر تبادلوں کے ذریعے لازمی ریٹائرمنٹ پلان پر مبینہ طورسے عملدرآمد کا حصہ ہے،ملازمین کے تبادلےری لوکیشن کے تحت کئےگئے ہیں۔
