وزارت اوورسیز اور وزارت برائے امور نوجوانان کے مابین ایک اہم فیصلہ۔ معاون خصوصی زلفی بخاری اور معاون خصوصی عثمان ڈار کی ملاقات۔
بیرون ملک پاکستانیوں کو ٹائیگر فورس میں شامل کرنے کا فیصلہ۔ بیرونی ملک ٹائیگرز مخیر حضرات کی مدد سے راشن کی تقسیم کو یقینی بنائیں گے۔ بیرون ملک ٹائیگرز مشہور شخصیات اور مخیر حضرات سے فنڈز جمع کریں گے۔ یہ فنڈز دنیا بھر میں پھنسے پاکستانیوں کیلئے راشن کی فراہمی پر استعمال ہوں گے۔ رجسٹریشن کے عمل کے لیے وزارت اوورسیز اور ٹائیگر فورس ایک مشترکہ پورٹل کا قیام کرے گی۔ رجسٹریشن کے عمل کے بعد چند دنوں میں ذمہ داریاں سونپ دی جائیں گی۔
حکومت اور وزیراعظم کے لیے کرونا سے لڑنا ایک بڑا ٹاسک ہے۔ بیرون ملک پھنسے پاکستانیوں کے راشن کی فراہمی بھی ہمارے لئے ایک اہم ذمہ داری ہے۔ اسی مقصد کے لیے پیر سے ایک ویب سائٹ کا آغاز بھی کر رہے ہیں۔
ویب سائٹ کے ذریعے بیرون ملک پاکستانی وزیراعظم کے Covid-19 فنڈ میں عطیہ کر سکیں گے۔
