پاک آسٹریلیا سیریز سے پی سی بی کو کتنا منافع ہوا؟

24 سال بعد پاکستان کے تاریخی دورے پر آئی آسٹریلوی ٹیم نے پاکستانی شائقین کی توجہ اپنی جانب خوب مبذول کرائی، ناصرف شائقین کرکٹ بلکہ دنیا بھر کے لوگوں کی نظریں پاکستان میں کرکٹ کی بحالی پر تھیں۔

یہ سیریز پاکستان کرکٹ بورڈ (پی سی بی ) کے لیے منافع بخش ثابت ہوئی، پی سی بی کے چیئرمین رمیز راجا کا کہنا ہے کہ پاک آسٹریلیا سیریز  نے کرکٹ بورڈ کو کمرشل سائیڈ پر بڑا فائدہ پہنچایا ہے۔

مزید پڑھیں:  آئینی ترمیم کیخلاف خیبرپختونخوا حکومت کا سپریم کورٹ جانے کا اعلان

پی سی بی کی جانب سے جاری کردہ انٹرویو میں رمیز راجا نے کہا کہ  اکتوبر میں ٹی ٹوئنٹی ورلڈ کپ میں بھارت کے خلاف پاکستان کی تاریخی فتح نے تجارتی پہلوؤں کے لحاظ سے ہماری کرکٹ کو فائدہ پہنچایا، پوری دنیا کے لوگوں نے ہماری ٹیم اور اس کھیل میں دلچسپی لی۔

رمیز راجا کے مطابق  صرف آسٹریلیا کے ہوم ٹور سے تقریباً ‘دو ارب’ تک منافع کمایا۔

مزید پڑھیں:  190پاؤنڈ کیس : ٹرائل کورٹ کو حتمی فیصلہ سنانے سے روک دیا گیا

چیئرمین پی سی بی نے کہا کہ یہ ہمارے لیے خوش آئند ہے اور ہماری کرکٹ کے آگے بڑھنے کے لیے ایک مثبت علامت ہے۔

انہوں نے کہا کہ ماضی قریب میں اچھی کارکردگی کے ساتھ ہماری کرکٹ ٹیم نے لوگوں میں اعتماد پیدا کیا جس نے ہمیں تجارتی بنیادوں پر نئی بلندیوں پر پہنچایا ہے۔