صوبہ بھر میں موسم بہار کی شجر کاری مہم 2021کا آغاز

ویب ڈیسک (پشاور)خیبر پختونخوا میں موسم بہار کی شجر کاری مہم 2021کا آغازکر دیا گیا ۔ وزیر اعلی خیبر پختونخوا محمود خان نے سی ایم ہاوس میں زیتون کا پودا لگا کر مہم کا باضابطہ افتتاح کیا۔ موسم بہار کی اس شجر کاری مہم کے دوران صوبے میں 250 ملین سے زائد کے پودے لگائے جائیں گے۔

تفصیلات کے مطابق یہ شجر کاری مہم قومی سطح پر 10 بلین ٹری پراجیکٹ کے سلسلے کی کڑی ہے۔ 10 بلین ٹری پراجیکٹ کے تحت سال 21-2020 کے دوران صوبے میں مجموعی طور پر 382 ملین سے زائد درخت لگائے جائیں گے۔ گزشتہ سال مون سون کی شجر کاری مہم کے دوران صوبے میں 132 ملین سے زائد کے پودے لگانے گئے تھے۔

اس پراجیکٹ کے تحت اب تک تقریبا 300 ملین درخت لگائے جاچکے ہیں۔ اس مہم کی خاص بات زیتون کی شجر کاری ہے۔ زیتون کی شجرکاری مہم کے تحت صوبے میں 40 لاکھ پودے لگانے جبکہ 20 لاگھ قلم کاری کا ہدف مقرر کیا گیا ہے۔