ویب ڈیسک (کراچی)اداکارہ ہانیہ عامرنے اعتراف کیا ہے کہ وہ انسٹاگرام پر بیوٹی فلٹرز استعمال کرتی ہیں اور اس میں کوئی غلط بات نہیں۔
اداکارہ نے کہا کہ یہ 2021 ہے اور فلٹرز اب ہماری زندگیوں کا حصہ ہیں ، ہر کوئی انہیں استعمال کررہا ہے، جب کوئی انسٹاگرام پرفلٹراستعمال کرتا ہے تو وہ اسٹوریزکے اوپری حصے میں واضح ہوتا ہے۔ ہر ایک کو اس حقیقت کو تسلیم کرنا چاہیے کہ لوگ بیوٹی فلٹرزاستعمال کررہے ہیں۔
ہانیہ نے واضح کیا” میری ناک اتنی نوکدارنہیں، میرے گال اتنے ابھرے ہوئے نہیں اور نہ ہی میری آئی بروز اتنی پرفیکٹ ہیں، میری آنکھیں اتنی چمکتی ہوئی نہیں اور نہ ہی میرے ہونٹ اتنے بڑے ہیں ”۔
اس سے قبل ہانیہ کی ایک ویڈیو خاصی تنقید کا نشانہ بنی تھی جس میں وہ فلٹر کااستعمال کرتے ہوئے فالوورز کو مشورہ دے رہی تھیں کہ اپنی جلد کو اپنائیں، صارفین نے اسے ہانیہ کا دہرا معیار قراردیا تھا جبکہ اسی حوالے سے ہانیہ کا کہنا تھا کہ لوگ رنگت سے متعلق ان کا نقطہ نظر سمجھنے سےقاصر رہے۔
اداکارہ کا کہناتھا کہ بیوٹی فلٹر استعمال کرنے میں کوئی حرج نہیں جب تک کہ آپ پرکسی قسم کا دباو نہ ہو۔
