ویب ڈیسک (شانگلہ) شانگلہ پورن بگیاڑ کے علاقے میں فائرنگ کا واقعہ پیش آیا جس کے نتیجےمیں چار افراد جاں بحق ہوگئے۔
پولیس ذرائع کے مطابق واقعہ گل زرین نامی شخص کےگھرپیش آیا،جاں بحق ہونے والوں میں گل زرین اور ان کے بیٹے شامل ہیں رات کی تاریکی میں نامعلوم افراد نے گھر پر فائرنگ کرکے چاروں کو قتل کردیا۔شانگلہ پولیس نے خدشہ ظاہر کیا ہے کہ واقعہ مبینہ طور پر ذاتی دشمنی کا شاخسانہ ہو سکتا ہے، پولیس نے مقدمہ درج کر کے تفتیش شروع کر دی ہے۔
پولیس کے مطابق جاں بحق چاروں افراد کے نعشیں پوسٹ مارٹم کے لیے پورن سول اسپتال منتقل کر دی گئی ہیں، جبکہ ملزمان کی تلاش جاری ہے۔