وزیر اعظم پاکستان عمران خان کے معاون خصوصی برائے اسٹیبلشمنٹ محمد شہزاد ارباب نے طورخم بارڈر پر افغانستان عوام کیلئے خیرسگالی جذبے کے تحت کل 50 ہزار میٹرک ٹن گندم میں سے پہلی کھیپ 1800 ٹن گندم پر مشتمل گاڑیوں کا قافلہ افغان وزیر برائے نیشنل ڈیزاسٹر مینجمنٹ اتھارٹی صوبہ ننگرہار ملا عباس اخوند کے حوالے کر دیا۔
یہ بھی پڑھیں:عالمی ادارہ صحت نے اومیکرون سونامی سے خبردار کردیا
اس موقع پر وزیراعظم کے معاون خصوصی محمد شہزاد ارباب نے میڈیا سے گفتگو کرتے ہوئے کہا کہ وزیر اعظم پاکستان عمران خان کی خصوصی ہدایت پر جذبہ خیر سگالی کے تحت افغانستان عوام کے لئے 50 ہزار میٹر ک ٹن گندم کی پہلی کھیپ 1800 ٹن پر مشتمل پچاس گاڑیوں کا قافلہ افغانستان روانہ کردیاہے افغان عوام کی مشکلات میں کمی لانے کیلئے پاکستان حکومت کی طرف سے سپیشل پیکج کے تحت 5ارب روپے کی امداد دی جائے گی جس میں گندم،ہنگامی طبی سامان ،موسم سرما سے بچائو کا سامان اور دیگر اشیاء سمیت غذائی اجناس شامل ہیں۔
یہ بھی پڑھیں: اسمبلی میں ہنگامہ ،لڑائی مار کٹائی ،خاتون رکن کی انگلی ٹوٹ گئی
معاون خصوصی محمد شہزاد ارباب نے کہا کہ پاکستان نے ہمیشہ مشکل گھڑی میں افغانستان عوام کے ساتھ ہر ممکن تعاون کیا ہے اور آئندہ بھی یہ سلسلہ جاری رہے گا اگر عالمی برادری اور دیگر ممالک نے افغانستان کے ساتھ مالی امداد اور دیگر تعاون نہ کیا تو افغانستان میں حالات مزید خراب ہونے کا خدشہ ہے اورانسانی المیہ جنم لے سکتا ہے انہوں نے بین الاقوامی برادری پر بھی زور دیا کہ وہ ممکنہ انسانی بحران سے بچنے کے لیے افغانستان کے لوگوں کی مدد کے لیے اپنا کردار ادا کرے تاکہ افغانستان کے عوام کی مشکلات کم ہوں اوروہ بہترزندگی گزارسکیں۔ معاون خصوصی محمد شہزادارباب نے کہا کہ افغان عوام ، مریضوں اور طلبہ سمیت تاجروں کے لئے ویزہ پالیسی میں نرمی کی گئی ہے انہیں مزید بھی ریلیف دینگے امدادملنے پر وزیر برائے نیشنل ڈیزاسٹر مینجمنٹ اتھارٹی ملا عباس اخونداور دیگر افغان حکام نے پاکستانی حکومت کا شکریہ ادا کیا۔
تبصرے بند ہیں